Maxfiylik siyosati

Nimalarni saqlaymiz

• GitHub akkauntingiz: ID va login. GitHub bergan kirish tokeni faqat shifrlangan sessiya cookie'sida turadi va bazaga yozilmaydi.
• Bot ma'lumotlari: repo nomi, branch, Telegram bot ID va username, holati.
• Faoliyat jurnali: deploy urinishlari, botni to'xtatish, o'chirish va foydalanuvchini cheklash amallari (GitHub ID, login, vaqt va sabab) odatda 180 kun saqlanadi, undan keyin o'chiriladi.
• Bot tokeni va muhit o'zgaruvchilari: bazada AES-256-GCM bilan shifrlangan holda saqlanadi.
• Loglar: yig'ish (build) loglari hosting provayderida turadi va bizning bazamizda saqlanmaydi.
• Sessiya holati: grammY yoki Telegraf session() (node-telegram-bot-api'da bot.session()), aiogram FSM, python-telegram-bot user_data/chat_data/bot_data va ConversationHandler yoki telebot holatlaridan foydalansangiz, sessiya ma'lumotlari (JSON) bazamizda saqlanadi. Standart muddat 24 soat (bot muhitida STATE_TTL_HOURS bilan 1 dan 168 soatgacha), muddati o'tganlari tozalanadi. Ularni o'chirish uchun bot muhitida STATE_SYNC=0 qo'ying.

Kodingiz bilan nima bo'ladi

Repo kodi GitHub App orqali faqat o'qish uchun, bitta repo va qisqa muddatli token bilan olinadi. Kod bizning bazamizda saqlanmaydi: u hosting provayderiga yuboriladi va u yerda ishlaydi. Deploy paytida kod xotirada faqat o'qiladi: maslahatlar berish va platforma qoidalariga zid aniq belgilarni (kripto-mayner, flood vositalari) topish uchun tekshiriladi. Kod o'zgartirilmaydi, repodagi .env fayllar esa yuklanmaydi. Ruxsatni istalgan vaqt GitHub sozlamalaridan qaytarib olishingiz mumkin. Shundan keyin yangi deploy qilib bo'lmaydi, ishlayotgan bot esa repo ruxsati yo'qolganini aniqlagach to'xtatilishi mumkin.

Uchinchi tomonlar

Xizmat ishlashi uchun GitHub (kirish va kod), hosting infratuzilmasi provayderlari, Neon (baza) va Telegram (bot API) dan foydalanamiz. Ma'lumotlar faqat shu maqsadda ularga uzatiladi va reklama uchun hech kimga sotilmaydi.

Reklama

Bepul tarifdagi botlarda (va pullik tarifda egasi yoqqan botlarda) foydalanuvchi bilan shaxsiy suhbatdan keyin "Reklama" belgisi bilan xabar yuboriladi. Buning uchun bot har bir xabardan keyin platformaga shaxsiy chat ID'si va chat turini yuboradi (Telegram interfeys tili kodi ham uzatiladi, lekin saqlanmaydi va ishlatilmaydi). Reklama botning o'z tokeni bilan yuboriladi.

• Chat ID xom holda saqlanmaydi: bazada faqat uning bir tomonlama xeshi (HMAC) turadi, u reklamani bir foydalanuvchiga ko'p yubormaslik va ko'rsatishlarni sanash uchun kerak.
• Ko'rsatishlar yozuvi (qaysi botda, qaysi kampaniya, narxi, xesh) 8 kun saqlanadi, undan keyin o'chiriladi.
• Reklama beruvchiga foydalanuvchilar haqida shaxsiy ma'lumot berilmaydi: faqat umumiy ko'rsatishlar va bosishlar soni. Reklamadagi havolani bossangiz, reklama beruvchining saytiga o'tasiz va u saytning o'z maxfiylik qoidalari amal qiladi.
• Tarif arizasi: pullik tarifga ariza berganingizda yozgan aloqa ma'lumotingiz (Telegram username yoki telefon) va izohingiz saqlanadi. Uni faqat administrator ko'radi va siz bilan bog'lanish uchun ishlatadi. Ko'rib chiqilgan arizalar 180 kundan keyin o'chiriladi.
• Hisob yozuvlari: reklama beruvchining balansi va kampaniyalari, bot egasining daromadi (GitHub ID, login bilan) hisob-kitob uchun saqlanadi. Reklama rasmlari bazada turadi va kampaniya tugagach tozalanadi.

Botingiz foydalanuvchilarining ma'lumotlari

Botingizga yozgan odamlarning xabarlari sizning kodingiz tomonidan qayta ishlanadi. Biz ularni alohida saqlamaymiz (yuqoridagi sessiya holatidan tashqari). Bu ma'lumotlar uchun maxfiylik talablariga siz javob berasiz.

O'chirish

Botni o'chirsangiz, uning bazadagi yozuvi, sessiya holati, hosting loyihasi va Telegram webhook'i o'chiriladi. Faoliyat jurnali yozuvlari yuqoridagi muddat tugaguncha saqlanadi. Hisobingiz ma'lumotlarini to'liq o'chirish uchun biz bilan bog'laning.

Cookie

Faqat kirish uchun zarur sessiya cookie'lari ishlatiladi. Reklama yoki kuzatuv cookie'lari ishlatilmaydi.

Aloqa

Savollar uchun sayt egasiga murojaat qiling.